من أجمل قصائد الشاعر صلاح عبدالله.. قصيدة العميل

0 319

هزي وسطك يا راشيل…
هزي للعرص العميل…
إلي لما مصر ولعت…
راح يطَفِّي في إسرائيل!!!…
شعبنا محبوس في ضيقة…
كل واحد فيه حريقة…
إنما الدولة الصديقة…
أولى طبعا بالجميل…
هزي وسطك يا راشيل…
مصر غرقانة في نوحها…
ليل نهار بتزيد جروحها…
مصر بتطلع في روحها…
وأنت طبعا عزرائيل…
هزي وسطك يا راشيل…
مصر لونها رصاصي داكن…
في الشوارع والمساكن…
إسرائيل في نهارها لكن…
مصر عايشة في ليل طويل…
هزي وسطك يا راشيل…
هي دي آخر العجايب…
إسرائيل هما القرايب…
راح ينجيها وسايب…
شعبنا مكسور ذليل…
هزي وسطك يا راشيل…
إسرائيل تطلب تجاب…
أصل ما يصحش تصاب…
إنما المصري الهباب…
عادي لما يموت قتيل!!!…
هزي وسطك يا راشيل…
والعميل إكمنه جيفة…
قَسِّم القسمة الشريفة…
هما للعيشة النضيفة…
وإحنا للهم التقيل…
هزي وسطك يا راشيل…
طز في المصري الحسودي…
لو هايقرف من وجودي…
إنما أنت يا يهودي…
صاحبي والجار والزميل…
هزي وسطك يا راشيل…
الشرف فاتنا وراح…
والوطن صار مستباح…
والخيول صابها الكساح…
والسيوف ما ليهاش صليل…
هزي وسطك يا راشيل…
أنهي رؤية وأنهي خطة؟…
نام يا مصري واستغطى…
ما إلي هَيَّصتوا له وطى…
وطى لما طلع له ديل…
هزي وسطك يا راشيل…
جا ما ساب سكة سلامة…
والنهار غطاه بغمامة…
داس برجله ع الكرامة…
لجل ما يطاطي النخيل…
هزي وسطك يا رشيل…
كل يوم غيرنا جارحنا…
والعدو فرحان في ريحنا…
بس دي غلطتنا إحنا…
لما ولينا العويل…
هزي وسطك يا راشيل…
قبلوا غطرسته وغروره…
كل واحد طفى نوره…
وأما قلنا قوموا ثوروا…
قالوا ما عاد فينا حيل!!!…
هزي وسطك يا راشيل…
عادي وممحون معانا…
مهما يلقى الشعب عانى…
بس في أمور الخيانة…
عبقري وما لهوش مثيل…
هزي وسطك يا راشيل…
راح وسخر طياراته…
للي ناسه بإيده ماتوا…
وإحنا بيقول لينا هاتوا…
ادفعوا كتير أو قليل…
هزي وسطك يا راشيل…
البلد ع الكلب هاينة…
باع شرفها للصهاينة…
والخيانة الوسخة باينة…
عار يلطخ ألف جيل…
هزي وسطك يا راشيل…
عادي لما يوطي راسه…
ولعدوه يبيع في ناسه…
أو بدمك يملا كاسه…
مش قابيل موت هابيل!!!…
هزي وسطك يا راشيل…
مصر حولها لكيكة…
وإسرائيل صارت شريكة…
هِيصوا يا أحفاد مليكة…
واسلكو نفس السبيل…
هزي وسطك يا راشيل…
اسألوه كان دم مين…
سال في غزة ودير ياسين؟…
أو في سينا من سنين؟…
قولوا فين تارنا النبيل؟…
هزي وسطك يا راشيل…
إسرائيل وفى بمعادها…
قبل ما تطلب نجدها…
بس راس غارب ولادها…
غرقوا لما جا لها سيل…
هزي وسطك يا راشيل…
لمي جوزك يا انتصار…
مصر مش ناقصة انتحار…
ما الغلا والفقر نار…
تحرق الرزق النحيل…
هزي وسطك يا راشيل… مهما خلى مصر بور…
مهما خلى الأرض بور…
مهما طفى كل نور…
شعبها يمكن صبور…
إنما حر وأصيل…
قولوا للي فرحوا بيه…
إلي هاصوا وقالوا هيه…
مستحيل نصبر عليه…
إيوة طبعا مستحيل…
بكرة هايعود إلي كان…
بكرة تغرق في الطوفان…
مش هايبقى لك مكان…
يعني آخرتها الرحيل

المصدر: الشادوف

المشاركات الاخيرة

اترك رد

لن يتم نشر عنوان بريدك الإلكتروني.